प्रतिनिधिसभाका सभामुखका लागि आज शुक्रबार (चैत २०) उम्मेदवारी दर्ताको दिन हो । संघीय संसद् सचिवालयले प्रकाशित गरेको तालिकाअनुसार सभामुख चयनका लागि पर्सी आइतबार (चैत २२) मा निर्वाचन हुनेछ ।
तालिकाअनुसार आज बिहान ११ देखि २ बजेसम्म उम्मेदवारी दर्ताको समय तोकिएको छ । संघीय संसद् सचिवालय सिंहदरबारमा उम्मेदवारी दर्ता गर्न सकिने जनाइएको छ । आजै दिउँसो २.३० बजे उम्मेदवारी दर्ताको नामावली प्रकाशन गरिनेछ ।
सदनमा १८२ सिट रहेको राष्ट्रिय स्वतन्त्र पार्टी (रास्वपा) ले उपसभापति डोलप्रसाद अर्याललाई सभामुख बनाउने निर्णय गरिसकेको छ । अल्पमतमा रहेका अरु दलले सभामुखको उम्मेदवारी दिने नदिने ? मौन छन् ।
