धनुषाको विदेह नगरपालिका–२ वैदेहीमा सशस्त्र प्रहरी बल र तस्कर समूहबीच झडप भएको छ । हिजो बिहीबार साँझ भएको झडपमा परेर सातजना सशस्त्र प्रहरी घाइते भएका छन् । सशस्त्र प्रहरी बल तस्करी नियन्त्रण र सीमा सुरक्षामा परिचालित छ ।
“वैदेहीको दुहबीस्थित नेपाल–भारत सीमानजिक भिडन्त हुँदा सातजना सशस्त्र प्रहरी घाइते हुनुभएको छ,” जिल्ला प्रहरी कार्यालय धनुषाका डीएसपी वजरुणबहादुर सिंहले स्थानीय सञ्चारकर्मीहरुसँग भनेका छन्, “घाइतको अवस्था सामान्य रहेको छ ।” भिडन्तमा चार राउन्ड गोली र १३ सेल अश्रु ग्यास प्रहार भएको डिएसपी सिंहले जानकारी दिए ।
“शंका लागेर प्रहरीले सीमा क्षेत्रका घरमा खानतलास लिँदा तस्करहरूले आक्रमण गरेका हुन्,” डीएसपी सिंहले भने, “तस्करहरू कोही पनि नियन्त्रणमा छैनन् ।”
