सभामुख देवराज घिमिरिेले संघीय प्रतिनिधिसभाको बैठक २३ असारसम्म स्थगित गरेका छन् । तर, मिनि पार्लियामेन्टका रुपमा चिनिने संसदीय समितिका चार वटा बैठक बस्देछन् ।
राज्य व्यवस्था तथा सुशासन समिति बैठकले नेपाल प्रहरी सम्बन्धी कानुनलाई संशोधन तथा एकीकरण गर्न बनेको विधेयकमाथि संशोधन प्रस्ताव दर्ता गराउने सम्बन्धमा सांसदहरूसँग छलफल गर्दैछ । बैठक बिहान ११ बजेका लागि बोलाइएको छ ।
शिक्षा, स्वास्थ्य तथा सूचना प्रविधि समितिको बैठकमा विद्यालय शिक्षा विधेयक उपसमितिको प्रतिवेदनमाथि छलफल गर्ने कार्यसूची छ । बैठक अहिले बिहान साढे ८ बजे सुरु हुनेछ ।
संसदीय सुनुवाइ समिति (संयुक्त) को बैठक पनि आजै बस्दै छ । बैठकमा सर्वोच्च अदालतका सुनुवाइ हुन बाँकी प्रस्तावित न्यायाधीश र न्याय परिषद् सदस्यको सुनुवाइ गर्ने कार्यसूची छ ।
यस समितिले हिजो दुई जना प्रस्तावित न्यायाधीशको सुनुवाइ गरे पनि थप एक न्यायाधीश र न्याय परिषद्का एक सदस्यको बाँकी नै छ । बैठक अहिले बिहान ८ बजेका लागि बोलाइएको छ ।
विधायन व्यवस्थापन समितिको बैठकमा भन्सार विधेयक, २०८० माथि दफावार छलफल हुँदै छ । बैठक बिहान ११ बजे बस्नेछ ।
