सत्तारुढ राष्ट्रिय स्वतन्त्र पार्टी (रास्वपा) ले सचिवालय बैठक बोलाएको छ । पार्टी सभापति रवि लामिछानेले सचिवालय बैठक बोलाएका प्रवक्ता मनीष झाले जानकारी दिएका छन्।
प्रवक्ता झाका अनुसार आइतबार (वैशाख २७) साँझ ६ बजे बस्ने गरी बैठक बोलाइएको हो । रास्वपाले सचिवालय सदस्यहरूलाई बैठकमा अनिवार्य उपस्थित हुन भनेको छ ।
प्रवक्ता झाका भनाइमा बैठकका लागि ६ वटा कार्यसूचीहरू तय गरिएका छन् । सचिवायल बैठकमा भेला, अधिवेशन विशेष तालिका, विभिन्न आयोग, विभागका पदाधिकारी मनोनयनका विषयमा छलफल हुनेछ ।
त्यस्तै, जिल्ला समिति विघटन, अनुशासनात्मक कारबाही, केन्द्रीय समिति बैठक र विविध विषयमा छलफल हुने प्रवक्ता झाले जानकारी दिएका छन् ।
