विशेष अदालतले वाइडबडी विमान खरिदमा भ्रष्टाचार भएको ठहर गरेको छ । हिजो बिहीबार विशेष अदालतका अध्यक्ष टेकनारायण कुँवर, न्यायाधीशद्धय तेजनारायण सिंह राई र न्यायाधीश रितेन्द्र थापाको इजलासले चार जनालाई मुख्य दोषी ठहर गरेको हो ।
विशेष अदालतले नेपाल वायु सेवा निगमका तत्कालीन अध्यक्ष एवं संस्कृति, पर्यटन तथा नागरिक उड्यनन सचिव शंकर अधिकारी, नेपाल वायु सेवा निगमका तत्कालीन महाप्रबन्धक सुगतरत्न कंसकार, तत्कालीन सहसचिवद्धय बुद्धिसागर लामिछाने र शिशिर ढुंगानालाई दोषी ठहर गरेको हो । ढुंगाना अर्थ सचिवबाट निवृत भएका थिए ।
विशेष अदालतले वाइडबडी खरिद गर्दा एक अर्ब ४७ करोड १० लाख रुपैयाँ भ्रष्टाचार भएको ठहर गरेको छ । अदालतले तत्कालीन पर्यटनमन्त्री जीवनबहादुर शाहीसहितलाई सफाइ दिएको छ । अख्तियार दुरुपयोग अनुसन्धान आयोगले वाइडबडी विमान खरिदमा भ्रष्टाचार भएको निष्कर्षसहित २२ चैत ०८० मा विशेष अदालतमा मुद्दा दायर गरेको थियो ।
