निजी विद्यालयका सञ्चालकहरुले स्कुल बससहित र्याली निकालेका छन् । आज उनीहरुले विभिन्न विद्यालयका बसमा चक्रपथ परिक्रमा गरेका हुन् । प्रस्तावित विद्यालय शिक्षा विधेयकप्रति असन्तुष्टी जनाउँदै पाँच बुँदे मागसहित आन्दोलनमा उत्रिएका निजी विद्यालयका सञ्चालकहरुले सरकारलाई भदौ १८ गतेसम्मको अल्टिमेटम दिएका छन् । आज १६ गते हो ।
भदौ १८ सम्म पनि माग सम्बोधन नभए आन्दोलन थप चर्काउने र देशभरका निजी विद्यालयहरु अनिश्चितकालीन बन्दको घोषणा गने उनीहरुको धम्की छ । उनीहरुको ज्यादती कतिसम्म छ भने विद्यालय शिक्षा विधेयकमा क्रमशः गैरनाफामूलक बनाउने भन्ने प्रावधानप्रति लुट मच्चाउनु पाउनुपर्छ भन्ने माग राखेका छन् । निजी विद्यालयका सञ्चालकहरुले गत भदौ १३ गते शिक्षामन्त्री रघुजी पन्तलाई भेटेर ध्यानाकर्षण गराएका थिए ।
उता सामुदायिक विद्यालयहरुको छाता संगठन नेपाल शिक्षक महासंघले पनि आन्दोलन निरन्तर जारी राखेको छ । महासंघले सरकारलाई २१ गतेसम्मको अल्टिमेटम दिएको छ ।
