प्रमुख प्रतिपक्षी दल नेपाली कांग्रेसले राष्ट्रपति रामचन्द्र पौडेलले सङ्घीय संसद्को संयुक्त बैठकलाई सम्बोधन गरिरहेका बेला प्रधानमन्त्री वालेन्द्र शाह बैठकबाट बाहिरिएको विषयमा जवाफ माग गरेको छ ।
प्रतिनिधिसभाको आजको बैठकको प्रारम्भमै कांग्रेसका सांसदहरू आसनमा उभिएपछि सभामुख डोलप्रसाद अर्यालले उक्त पार्टीका प्रमुख सचेतक वासना थापालाई बोल्न समय दिएका थिए ।
प्रमुख सचेतक थापाले भनिन्, “राष्ट्रपतिज्यूबाट सम्बोधन भइरहेको समयमा प्रधानमन्त्री शाह सदनबाट बाहिरिनु सामान्य विषय नभई गम्भीर विषय हो, यसबारेमा सरकारका तर्फबाट स्पष्ट जवाफ चाहियो ।”
उनले संवैधानिक पदको सम्मान गर्न र संसदीय परम्परालाई कमजोर नबनाउन आग्रह गरिन् । राष्ट्रपति पौडेलले सोमबार सदनमा आर्थिक वर्ष २०८३÷८४ को सरकारको नीति तथा कार्यक्रम प्रस्तुत गरेका थिए । राष्ट्रपतिले नीति तथा कार्यक्रम बाचन गरिरहदा प्रधानमन्त्री शाह बाहिरिएका थिए ।
