पीडितलाई अपहरण गरी कुटपिट गर्दै बनाएका थिए भिडियो
प्रहरीले श्रममन्त्री रामजी यादवका सवारी चालक मुस्ककिम मिया, २७ लाई पक्राउ गरेको छ । मियाले अपहरण शरीर बन्धक बनाएको कसुरमा सप्तरी प्रहरीले हिजो सोमबार उनलाई पक्राउ गरेको हो ।
सप्तरीको महादेव गाउँपालिका–३ का मिया यादव श्रममन्त्री भएदेखि नै उनको सवारी चालक थिए। सप्तरी प्रहरीले मियालाई राजविराजबाट पक्राउ गरेको हो । प्रहरीको अनुसन्धान अनुसार मियाले पीडितलाई अपहरण गरी नग्न बनार कुटपिट समेत गरेका थिए । प्रहरीले मियाले पीडितलाई अपमानजनक ढंगले कुटपिट गरेको भिडियो प्राप्त गरेपछि पक्राउ गरेको हो ।
पक्राउ परेका मियामाथि थप अनुसन्धान भइरहेको सप्तरीका एसपी मिलन केसीले जानकारी दिएका छन्। पक्राउ परेका मियाँलाई थुनामा राखेर अनुसन्धान गर्न प्रहरीले सात दिनको अनुमतिसमेत पाएको छ । श्रममन्त्री यादवको सवारी चालक नियुक्त भएपनि मियाले आफू प्रमुख राजनीतिक सल्लाहकार भएको बताउने गरेको प्रहरी अनुसन्धानबाट खुलेको छ ।
