नागरिक उन्मुक्ति पार्टी (नाउपा) की अध्यक्ष तथा तत्कालीन भूमि व्यवस्था, सहकारी तथा गरिबी निवारणमन्त्री रञ्जिता श्रेष्ठ अख्तियार दुरुपयोग अनुसन्धान आयोगमा बयानका लागि पुगेकी छन् । पोखराको जग्गाको घुस प्रकरणमा उनको नाम मुछिएपछि अख्तियार उनलाई बयानका लागि बोलाएको हो । अख्तियारको ताकेतापछि बयानका लागि उनी अख्तियार पुगेकी हुन् ।
बिचौलियासँग घुस डिल गरेको अडियो सार्वजनिक भएपछि पदबाट राजीनामा दिएका निवर्तमान संघीय मामिला तथा सामान्य प्रशासनमन्त्री राजकुमार गुप्तामाथि छानबिन भइरहेको छ । छानबिनको क्रममा रञ्जिताको पनि संलग्नता भेटेपछि अख्तियारले उनलाई बयानमा बोलाएको हो ।
यही प्रकरणमा मुछिएका अर्का भूमि व्यवस्था, सहकारी तथा गरिबी निवारणमन्त्री बलराम अधिकारीलाई भने प्रधानमन्त्री केपी शर्मा ओलीले संरक्षण गरिरहेका छन् ।
