नेपाली कांग्रेसका सहमहामन्त्री फरमुल्लाह मन्सुरले महामन्त्री गगन थापालाई प्रधानमन्त्रीको उमेदवार तोकेर निर्वाचनमा होमिनुपर्ने बताएका छन् । जारी केन्द्रीय समितिको बैठकबाट यो निर्णय गरेर अघि जानुपर्ने मन्सुरको धारणा छ ।
“हाम्रो सभापति शेरबहादुर देउवा प्रधानमन्त्री भएको भए महाधिवेशनको कार्यतालिका अघि बढ्थ्यो,” उनले भने, “कांग्रेसमा विगतको पनि परम्परा छ । अहिले चुनाव अघि महाधिवेशन कि पछि भन्ने विवाद देखियो । विवाद नगरौँ ।”
उनले महामन्त्री थापा पार्टीभित्र र बाहिर पनि लोकप्रिय भएका कारणले आगामी निर्वाचनमा प्रधानमन्त्रीको उमेदवार बनाएर अघि बढ्नुपर्ने र त्यही निर्णय गर्नुपर्ने धारणा राखेका हुन् ।
“आउने निर्वाचनबाट हाम्रो पार्टीबाट प्रधानमन्त्री को हुने रु आम जनताको कुरा पनि सुनेको छु । त्यो आधारमा गगन कुमार थापालाई अघि सारेर जाऔँ,” उनले भनेका छन्, “पार्टीभित्र पनि लोकप्रिय मतका साथ महामन्त्री हुनुभएको हो । अहिले पनि ५४ प्रतिशत महाधिवेशन प्रतिनिधिको हस्ताक्षर गराउन सफल हुनुभएको छ ।”
