नेकपा एकीकृत समाजवादीका सम्मानित नेता एवम् पूर्वप्रधानमन्त्री झलनाथ खनालले अब कहिल्यै पनि नफुट्ने प्रतिबद्धतासहित अघि बढ्न सुझाएका छन् । अन्तिममा नेपाली कम्युनिस्ट पार्टीको एकता घोषणा सभामा पुगेका नेता खनालले अब नफुट्ने संकल्प लिएर अघि बढ्नुपर्ने सुझाए ।
‘यहाँ आज एकताका लागि जम्मा हुनुभएका सबै घटकहरूलाई भन्न चाहन्छु, अब हामी कहिल्यै फुट्ने छैनौं । यो संकल्पका साथ अघि बढौं । यसअघि पनि कम्युनिस्ट एकता भएको जिकिर गर्दै ‘ए’ र ‘कता’ बेग्लाबेग्लै भइयो,’ उनले भने, ‘यो भन्दा अगाडि पनि हामीले एकता त गर्यौं नि कमरेडहरू । तर ए बेग्लै भयो कता कता भयो । अरु हामी यहाँ जम्मा भएका पार्टीभन्दा बाहिर थुप्रै पार्टी छन् । म उहाँहरूलाई पनि भन्न चाहन्छु, नयाँ ढंगले सोचौं,’ उनले भने ।
कम्युनिस्टहरू एकअर्काबीच आरोप प्रत्यारोप नगर्न पनि खनालको सुझाव छ । माओवादीसँगको एकतामा नजाने भन्दै अलग्गिएका खनाल अन्तिममा पदको बार्गेनिङपछि अन्तिममा एकतासभामा सामेल भएका थिए ।
