राष्ट्रिय स्वतन्त्र पार्टी (रास्वपा) ले आज सोमबार बृहत राजनीतिक समायोजन घोषणा सभा गर्दैछ । नागरिक उन्मुक्ति पार्टीको पूर्वनेतृत्वहरू, थरुहटरथारुवान अभियान्ताहरू र रास्वपाबीच पार्टी समायोजन तय भएको हो ।
घोषणा सभा दिउँसो १ बजे राष्ट्रिय सभा गृहमा हुने रास्वपाका प्रवक्ता मनिष झाले जानकारी दिएका छन् । रञ्जिता श्रेष्ठ नेतृत्वको नागरिक उन्मुक्ति पार्टी (नाउपा) नेपाली कम्युनिष्ट पार्टीमा विलय भएपछि असन्तुष्टहरु रास्वपामा समाहित हुन लागेका छन् । जसमा रुपन्देहीका जिल्ला अध्यक्षसहित ३३ जनाले सामूहिक राजीनामा दिएका छन् । उनीहरु आज रास्वपामा समाजोजन हुन लागेका हुन् ।
काठमाडौं महानगरपाकिलाका मेयर बालेन्द्र साह, उज्यालो नेपालका कुलमान घिसिङलगायतसँगको एकतापछि पनि रास्वपाले समायोजन सभा गरेको छैन । सबै समूहसँगको एकताको खुसीयालीमा रास्वपाले समायोजन सभा गर्न लागेको बताइएको छ ।
