गृहमन्त्री सुधन गुरुङले जेनजी आन्दोलनका घाइतेलाई भेटेका छन् ।
गुरुङले काठमाडौंको सिनामंगलस्थित केएमसी अस्पतालमा उपचाररत घाइतेलाई गए राति भेटेका हुन् । मन्त्री गुरुङलई चिकित्सकहरूले घाइतेहरुको स्वास्थ्यस्थितिबारे जानकारी गराएका गृहमन्त्रीको निजी सचिवालयले जनाएको छ ।
घाइतेहरूलाई पूर्वसांसद डा. सुनिल शर्माले निःशुल्क उपचार गर्दै आएका छन् । निःशुल्क उपचार गरेकामा गृहमन्त्रीले केएमसीका सञ्चालक डा शर्माप्रति आभार व्यक्त गरेका थिए ।
शर्मा बिराटनगरस्थित नोबेल मेडिकल कलेजका मालिक समेत हुन् । उनले २०७७ मा केएमसी मेडिकल कलेज समेत खरिद गरेका थिए । उक्त खरिद प्रक्रिया अपारदर्शी छ ।
आठ वर्ष अघि नै शर्मामाथि समेत सम्पत्ति शुद्धिकरण विभागले अनुसन्धान गरेको थियो । तर, शक्तिको भक्तिमा फाइल मुल्तवीमा राखिएको छ ।
